Met glowsticks in die hand, en bedek met neon-verf, was die JF-kinders gereed om netbal te speel dat die biesies bewe!
Die jaarlikse Netbal-aandliga is altyd iets om na uit te sien. Elke jaar is daar ‘n ander tema, en hierdie jaar was dit Glow in the Dark. Die bane is met weerkaatsende kleeflint geplak en daar is ligte opgesit om alles behoorlik te laat gloei.
Spanne van tussen 7 en 10 mense kon inskryf en elke span moes met ‘n kreatiewe naam en kostuum vorendag kom. Hierdie jaar was daar ‘n nuwe rekord met 34 spanne wat ingeskryf het. Elke span het drie wedstryde van 12 minute lank gespeel, en daarna is die semi-finale en die finaal gespeel. Na ‘n paar tawwe wedstryde, is die “Shimmering Shimlas“ as die wenspan van die aand aangekondig.
Dit was ook nie net die leerders wat deelgeneem het nie. Daar was ook ’n onderwyserspan wat die leerders sommer gou-gou gewys het waar Dawid die wortels gegrawe het. Oud beteken mos nog lank nie koud nie!
Almal se gees en energie was tasbaar, glimlagte was breed en die wedstryde was gevul met genot.
Die JF-Aandliga van 2024 was beslis ‘n sukses en weer eens een vir die boeke!
0 Comments