Die KKNK webwerf beskryf die toneel “KUNS” as volg:
“Buiten dat smaak verskil, is daar ook al menigte argumente gevoer oor die konsep van wat kuns is, wat nog te sê wat goeie kuns is. Die vriendskap van drie jare lange vriende – Serge, Marc en Yvan – word tot die uiterste beproef wanneer Serge ’n groot, duur skildery koop. Uiteenlopende menings oor Serge se kopie kring gou veel wyer uit as bloot net ’n waardeoordeel oor kuns.”
In hierdie toneelstuk koop Serge, iemand wat ‘n sagte plek het vir moderne kuns, ‘n groot, duur, spierwit, met ‘n paar effense minder wit lyne, skildery. Marc glo dat Serge sy geld gemors het op hierdie item. Hierdie meningsverskil, oor wat as “kuns” beskou kan word, begin ’n geveg in hul 15 jaar lange vriendskap. Hulle arme vriend Yvan bevind homself in die middel van die twee se konflik. Hy probeer om beide partye te kalmeer en tevrede te stel, maar vererger die situasie net nog meer.
Yasmina Reza, een van die mees gevierde kontemporêre Franse dramaturge, se toneel, Art, is een van die suksesvolste komedies in teater. Haar toneel is al in 20 tale vertaal en het talle pryse gewen, onder meer ’n Laurence Olivier- en ’n Tony-prys.
MET: Wessel Pretorius, Ludwig Binge en Wilhelm van der Walt
TEKS: Yasmina Reza
VERTALING: Naómi Morgan
OORSPRONKLIKE TITEL: Art
REGIE EN ONTWERP: Marthinus Basson
BELIGTINGSONTWERP EN VERHOOGBESTUURDER: Nicolaas de Jongh
VERVAARDIGER: KKNK
BRONNE:
0 Comments