Classic Clash — ’n mens dink altyd net aan die rugby-, hokkie- en netbaluitslae, maar aan skaak dink ’n mens nie dikwels nie. As jy dink waar ons skaak ’n paar jaar gelede was, teenoor waar dit vandag is, is dit egter iets om gevier te word!

Die skaakleerders is vriendelik deur Sentraal verwelkom, en elke speler het vier rondtes gespeel. Elke spel was intimiderend en intens: Sentraal wen een spel; JF wen een spel.

Na vele spanningsvolle ure, waartydens gedink is dat rook byna by ons ore uitgetrek het, was die uitslae soos volg:

• D-span: 8½ vir JF
• C-span: 8½ vir Sentraal
• JF se B-span: gelykop
• JF se eerste span: gelykop
• JF en Sentraal het dus gelykop gespeel! (As jy tot hier gelees het en dit nog nie geweet het nie.)

Wat hierdie uitslae werklik merkwaardig maak, is dat Sentraal nog altyd vir JF gewen het, en dit is nou die eerste keer in jare dat ons ook die trofee huis toe kan bring (al is dit ook nou net vir ses maande)!

JF se toekoms in skaak lyk belowend!