Berig deur: Lisa Botha

’n Nuwe maatskaplike werker het onlangs by Hoërskool Jim Fouche aangesluit, met ’n missie om ‘n golf van empatie en ondersteuning na die skool gebring. Gebore en getoë in die hartjie van Bloemfontein, het juffrou Zuané van Heerden haar eie skooljare by Fichardtpark Hoër- en Laerskool deurgebring, wat ‘n diep band met die gemeenskap geskep het en ‘n passie laat ontstaan het om te dien en te help waar sy kan.

Met ‘n ywerige begeerte om ‘n positiewe impak in die lewens van die kinders by Jim Fouché te maak, wil sy haar daaraan toewy om ‘n baken van hoop en ondersteuning te wees vir almal wat haar pad kruis. Haar toewyding tot diens weerspieël haar geloof in die vermoëns van die jeug en haar vasberadenheid om hulle te help om hul volle potensiaal te bereik.

In haar rol in LOO 2 beplan sy om ‘n veilige ruimte te skep waar die kinders nie net hul skoolwerk kan afrond nie, maar ook aan hul emosionele welstand kan aandag gee. Sy wil graag ‘n atmosfeer van vertroue en ondersteuning kweek deurdat kinders weet dat daar na hulle geluister sal word en dat hulle nie alleen is nie.

Deur haar werk as ‘n maatskaplike werker wil sy nie net ‘n mentor wees nie, maar ook ‘n vriend en ‘n luisterende oor vir die kinders wat haar nodig het. Sy beplan om hulle te leer dat daar krag is in kwesbaarheid en dat dit nie swakheid beteken om vir hulp te vra nie. Haar doel is om nie net akademiese sukses te bevorder nie, maar ook ‘n gevoel van selfvertroue en selfbewussyn te kweek wat die kinders kan help om in alle aspekte van hul lewens te floreer.

Ons weet juffrou Zuané gaan nog diep spore hier by JF trap.