In ’n vinnige Q&A-peiling onder ons leerders se keuses vir vakansieplekke, het drie duidelike kategorieë na vore gekom: Weskus, Ooskus en die Binneland—en dit wys net hoe uiteenlopend ons vakansiedrome regtig is.

Aan die Weskus steel die Moederstad, soos altyd, die kollig, saam met gewilde familiebestemmings soos Hartenbos, Mosselbaai en George. Dis die deel van die land waar die son altyd bietjie warmer voel, die water altyd bietjie blouer lyk, en waar somer net eenvoudig… somer is.

Aan die Oostelike kus van Suid-Afrika, spring Durban en Jeffreysbaai uit as topkeuses, met Oos-Londen en KwaZulu-Natal kort op hul hakke. Hier gaan dit oor warm branders, hoë energie en daardie tipiese “vakansie-vibe” wat jou sommer vinnig laat vergeet van skool, toetse en druk.

En dan het ons die groep wat die binneland koester: van die sneeubedekte hoogtes van Lesotho tot die asemrowende Drakensberge, en selfs die rustige stiltes van plaaslewe. Vir hulle is ’n perfekte vakansie minder sand tussen die tone, en meer berge, mis en gesellige vuurtjies

Van branders tot berge, van sand tot sneeu — ons leerders se gunsteling–wegbreekplekke wys net hoe uniek elkeen se idee van ’n perfekte somer kan wees.

So sit op jou kersliggies, trek uit jou skoene, en RUS (hoe RUS ook al vir jou lyk).