Sy projek, ‘Breaking a Caeser- and Vigenère Cipher,’ handel oor enkripsie en dekripsie. Enkripsie is die omskakeling van inligting of data in ‘n kodevorm, gewoonlik om ongemagtigde toegang te voorkom. Dekripsie is presies die teenoorgestelde.

In sy projek het Jaco verskillende metodes van enkripsie getoets deur ’n program te skryf wat ’n woord, sin of stel inligting in ’n kode verander. Hy het dan dié inligting met ‘n ander program ontsyfer. Hy het ook verskillende tipes ‘aanvalle’ op die geënkripteerde inligting geloods.

“Ek het glad nie verwag dat my projek so goed sou vaar nie!” het Jaco opgewonde opgemerk. “Toe ek in daardie saal staan met honderde projekte, het ek regtig gewonder wat die kans sal wees dat my ou projek ooit ‘n kans sal staan.”

Jaco se liefde vir IT en Wiskunde gaan hom net verder help met die navors van soortgelyke onderwerpe, en hy is baie opgewonde op die kans om dinge in die samelewing te ondersoek, en selfs te verbeter.

Hou hierdie nederige jong man dop, want sy naam gaan nog op almal se lippe wees!